Máskeý Pasha merekesine oraı ýaqytsha bitim jarııalady
MÁSKEÝ. KAZINFORM - Reseı Federatsııasynyń prezıdenti Vladımır Pýtınniń sheshimimen, jaqyndap kele jatqan pravoslavıe merekesi — Pashaǵa (Hrıstostyń qaıta tirilýi) baılanysty 2026 jylǵy 11 sáýir saǵat 16:00-den bastap 12 sáýir kúniniń sońyna deıin bitim jarııalandy, dep habarlaıdy agenttik tilshisi Kremldiń resmı saıtyna silteme jasap.
Habarlamada RF Qorǵanys mınıstri A.Beloýsovke jáne RF QK Bas shtabynyń bastyǵy V.Gerasımovke osy kezeńde barlyq baǵyttar boıynsha áskerı is-qımyldardy toqtatý týraly nusqaý berilgeni aıtylǵan.
Sondaı-aq Reseı tarapy Ýkraına da osy úlgini ustanady dep kútetinin málimdedi.
Buǵan deıin Ýkraına AQSh-ta kelissózder júrgizetini habarlanǵan.
