Máskeý ortalyǵynda gýbernator men bıznesmenniń balalary mingen «Porshe» apatqa ushyrady
ASTANA. QazAqparat - Senbi kúni tańerteń Máskeý ortalyǵynda «Porshe-991» kóligi jol apatyna ushyrady. Joldyń beti sýlanyp, dymqyl tartyp jatqan kezde asa joǵary jyldamdyqpen júrgen júrgizýshi kólik róline ıe bola almaı baǵanǵa soǵyldy. Soqqydan kólik bólikterge bólinip ketti, dep habarlaıdy RIA «Novostı».
«Saǵat tańǵy 7:20-da Bolshaıa ıAkımanka kóshesinde «Porshe» júrgizýshisi kólikti basqara almaı, baǵanǵa soǵyldy. Aldyn ala málimet boıynsha, onyń ishinde bolǵan eki adam da qaza tapty», - dep baıandady Máskeý polıtsııasy.
Polıtsııada qaza tapqandardyń esimi týraly naqty aqparatty resmı rastaǵan joq. Alaıda BAQ-qa kóliktiń ishinde Irkýtsk oblysy burynǵy gýbernatorynyń balasy, 23 jastaǵy Igor Esıpovskıı men tanymal bıznesmen Igor Ballonyń balasy, 26 jastaǵy Talıa Ballo otyrǵany belgili boldy. Irkýtsk gýbernatory Igor Esıpovskıı 2009 jyldyń 10 mamyrynda Malyshkıno shatqalynda «Bell-407» tikushaǵy apatqa ushyraǵanda qaza tapqan.
