Máskeý oblysynda Sý-27 joıǵysh ushaǵy apatqa ushyrady
ASTANA. QazAqparat - Reseıdiń Máskeý oblysynda Sý-27 joıǵysh ushaǵy apatqa ushyrap, ushqysh qaza tapty, dep habarlady 24.kz.
Eldiń qorǵanys mınıstrliginiń baspasóz qyzmeti aldyn ala málimet boıynsha, qaıǵyly oqıǵaǵa tehnıkalyq aqaý sebep bolǵanyn habarlady. Boljam boıynsha, ushaq qolaısyz aýa raıyna baılanysty qulaýy da múmkin.
Ushqysh áýe kemesin eldi mekenderden aýlaq áketý úshin jantalasyp, parashıýtpen sekirýge úlgermegen. Apattyń naqty sebebi qara jáshikterdegi málimetti zerttegen soń, belgili bolmaq.
