Máskeý muraǵatynan Muhtar Áýezov jazǵan kınostsenarıı tabyldy
ALMATY. 28 qyrkúıek. QazAqparat /Erbol Azanbek/ -Reseıdiń memlekettik óner jáne mádenıet muraǵatynan Muhtar Áýezov jazǵan kınostsenarıı tabyldy. Qoljazba buǵan deıin beımálim bolyp kelgen. Bul týraly búgin M. Áýezov shyǵarmalarynyń 50 tomdyq akademııalyq basylymynyń tanystyrylymynda M.Áýezov murajaı - úıiniń dırektory Dıar Qonaev aıtty.
«Kınostsenarıı 50 tomdyq akademııalyq basylymdy qurastyrý barysynda Tashkent, Máskeý qalalaryndaǵy muraǵattardan Muhtar Áýezovke qatysty derekter izdeý kezinde tabyldy. «Úsh tilek» (qoljazba ataýy orys tilinde «Trı jelanıe») dep atalatyn kınostsenarıı ókinishke oraı qoıylmaı, arhıvte qalǵan. Stsenarıı qazaqtyń aýyz ádebıeti negizinde jazylǵan. Muraǵatta úsh túrli nusqasy saqtalypty»,- deıdi D.Qonaev.
Atalǵan qundy qoljazba búgin tanystyrylymy ótken 50 tomdyq akademııalyq basylymǵa engizilgen.
