Máskeý metrosynyń jolaýshylary Qazaq tarıhyna tánti boldy (FOTO)
ALMATY. QazAqparat - RF astanasy Máskeý metrosyndaǵy «Vystavochnaıa» stansasynda «Belgisiz Qazaqstan» fotokórmesi ashyldy. Bul týraly QR Tuńǵysh Prezıdenti Qorynyń baspasóz qyzmeti habarlady.
Shyǵarmashylyq joba qor tarapynan uıymdastyrylǵan baıqaýda top jaryp, avtorlary grant utyp aldy. Jas mamandar toby eki jyl boıy Altaı men Atyraý, Astana men Almaty arasynda kósilip jatqan qazaqtyń darhan dalasyndaǵy tarıhı, mádenı oryndar men qoryqtardy aralap, fotoshejire jınaqtady.
Ekspozıtsııa barysynda «Arkaiym» Neo-Ethno-Folk tobynyń kómekeı daýyspen shyrqaǵan týyndysy estilip turdy.
Fotokórme bir aı boıy jalǵaspaq. Keler jyly ekspozıtsııa AQSh pen Eýropa elderi metrolarynda ornalasatyn bolady.
