Máskeý metrosynyń basshysy otstavkaǵa ketti
ASTANA. QazAqparat - Máskeýlik metro basshysy otstavkaǵa ketti. Bul týraly úkimet otyrysynda qala ákimi Sergeı Sobıanın habarlady.
Ol sońǵy jyldary metroda jyljymaly quramdy jańartý boıynsha aýqymdy jumys júrgizilgenin, qyzmetkerlerdiń jalaqysy kóbeıtilip, tehnıkalyq aqaýlar sany azaıǵandyǵyn atap ótti.
«Alaıda 10 shildede metronyń Arbat-Pokrovskıı jelisinde qaıǵyly jaǵdaıdyń oryn alýy sońǵy jyldary metroda júrgizilgen aýqymdy jumystardy joqqa shyǵardy, sondyqtan metropolıten basshysy Ivan Besedın laýazymynan bosatylady», - dedi Sobıanın.
Ivan Besedın 2011 jyldyń 7 aqpanynda Dmıtrıı Gaevtiń ornyna Máskeý metropolıteniniń jańa bastyǵy retinde taǵaıyndalǵan bolatyn, dep jazady ITAR-TASS.
