Máskeý metrosyndaǵy apattan zardap shekkender arasynda Qazaqstan azamaty joq
ASTANA. QazAqparat - Máskeý metrosyndaǵy apattan zardap shekkender arasynda Qazaqstan azamaty joq. Bul týraly QazAqparat tilshisine QR Syrtqy ister mınıstrliginiń resmı ókili Nurjan Aıtmahanov málim etti.
Esterińizge sala keteıik, búgin tańerteń máskeýlik metronyń Arbatsko-Pokrovskıı jelisinde poıyz relsten shyǵyp ketken edi. Apat saldarynan 19 adam qaza tapsa, zardap shekken 161 adamnyń 118-i aýrýhanaǵa jetkizildi, 50-den astam adam aýyr jaǵdaıda. Zardap shekkender Sklıfosovskıı atyndaǵy ǴZI-ge, №71, №36, №67 QKA, Botkın qalalyq klınıkalyq aýrýhanasyna, 1-shi qalalyq aýrýhanaǵa jatqyzyldy.
