Máskeý metrosyndaǵy apattan qaza tapqandardyń sany 24-ke jetti
ASTANA. QazAqparat - 15 shildede Máskeý metrosynyń Arbatsko-Pokrovskıı jelisinde poıyzdyń relsten shyǵyp ketýi saldarynan bolǵan apattan qaza tapqandardyń sany 24-ke jetti, dep jazady Bı-bı-sı́.
Ondaǵy málimetke súıensek, sársenbi kúni taǵy bir japa shegýshi kóz jumǵan.
«Apattan japa shekken taǵy bir áıel №67 qalalyq klınıkalyq aýrýhanada qaıtys boly. Osymen apat qurbandarynyń sany 24-ke jetti», - delingen Máskeýdiń Densaýlyq saqtaý departamentiniń habarlamasynda.
Esterińizge sala keteıik, 15 shilde kúni tańerteń máskeýlik metronyń Arbatsko-Pokrovskıı jelisinde poıyz relsten shyǵyp ketken edi. Apat saldarynan sol kúni 19 adam qaza taýyp, zardap shekken 161 adamnyń 118-i aýrýhanaǵa jetkizilgen. Zardap shekkender Máskeýdegi Sklıfosovskıı atyndaǵy ǴZI-ge, №71, №36, №67 QKA, Botkın qalalyq klınıkalyq aýrýhanasyna, 1-shi qalalyq aýrýhanaǵa jatqyzylǵan edi.
