Máskeý metrosynda jarylys boldy
ASTANA. QazAqparat - Beısenbi kúni tańerteń Máskeýdegi "Kolomenskaıa" metrosy stansasynyń vestıbıýlinde jarylys boldy. Úsh adam zardap shekti, dep habarlady RIA Novostı oqıǵa ornyndaǵy polıtsııa qyzmetkerine silteme jasap.
«Aldyn ala boljam boıynsha, jarylys dánekerleý jumystaryn júrgizip jatqan jumysshylardyń gaz ballonyna salǵyrt qaraýynan oryn alǵan», - dep málim etti quqyq qorǵaý organdaryndaǵy derekkóz.
Jarylystan soń bes sharshy metr aýmaqty órt shaldy. Oqıǵa ornyna jetken TJM qyzmetkerleri jalyndy jyldam sóndirdi.
Buǵan deıin Máskeý TJM MM jarylys saldarynan eki adamnyń zardap shekkenin rastaǵan edi.
Jarylys shamamen 09:20-da stansanyń ońtústik vestıbıýlinde, Nagatınskaıa kóshesine shyǵar tusynda bolǵan.
