Máskeý metrosynda jarylǵan bombanyń túri anyqtaldy
ÁSKEÝ. Naýryzdyń 29-y. QazAqparat /Narymbek Ysmaǵulov/ - Máskeý metrosynyń stansysynda iske qosylǵan jarylǵysh qurylǵynyń túri - plastıt-jarylǵysh bolyp tabylady.
Bul týraly QazAqparat tilshisine oqıǵa bolǵan «Mádenıet saıabaǵy» stansysyna kelgen Qylmystyq polıtsııa qyzmetiniń resmı ókili V.Markın habarlady.
«Metronyń eki stansysynda iske qosylǵan jarylǵysh qurylǵynyń tıpi plastıt dep paıymdalyp otyr», dedi V.Markın. Sol sondaı-aq, jarylǵysh qurylǵylardy shahıd áıelderdiń qosqanyn rastady.
Derek kózdiń málim etýinshe, «Mádenıet saıabaǵy» stansysyndaǵy jarylǵysh qurylǵynyń qýaty 1,5 keli trotılge teń bolǵan.
Búgin tańerteń Máskeý metrosynda jarylys bolǵanyn QazAqparat habarlaǵan bolatyn. RF Tótenshe jaǵdaılar mınıstrliginiń resmı málimetteri boıynsha, «Lýbıanka» stansysynda bolǵan jarylystyń saldarynan 22 adam qaza bolyp, 11 adam zardap shekken, al «Mádenıet saıabaǵy» stansysynda 12 adam jarylys qurbany bolǵan, 15 adam zardap shekken.
