Máskeý metrosynda jańa turpatty poıyzdar jolǵa shyǵady

ASTANA. 23 aqpan. QazAqparat - Máskeý metrosynyń Kalının jelisi boıynsha jańa turpatty poıyzdar 2012 jylǵy naýryzdan bastap júre bastaıdy, dep habarlady reseılik «Jańalyqtar» agenttigi.

Bul týraly «Metrovagonmash» AAQ-nyń 81-760 jańa serııaly vagondary jobasynyń bas konstrýktory Sergeı Lıtvınov jýrnalısterge málim etti.

«Jańa poıyzdarǵa jolaýshylar burynǵydan kóp sııady, atap aıtqanda 330 adamǵa deıin ornalasa alady», - dedi Lıtvınov. Sondaı-aq onda qaýipsizdik deńgeıine jáne jaılylyǵyna mán berilgen. Jańa vagondar klımat-baqylaý jáne aýany zararsyzdandyrý qurylǵylarymen, sondaı-aq jolaýshylar salony men mashınıst kabınasyn jylytý júıelerimen jabdyqtalǵan.

Máskeý meri Sergeı Sobıanın metro vagondaryn 2020 jylǵa deıin tolyq jańartýǵa pármen berdi.