Máskeý metrosynda «vagondy jaryp jiberem» dep eldi qorqytqan adam ustaldy
MÁSKEÝ. TASS-QazAqparat - Máskeý metrosyndaǵy «Slavıan býlvary» stansasynda granata jaramyn dep eldi qorqytqan er adam ustaldy, dep habarlaıdy QazAqparat TASS agenttigine silteme jasap.
Bul jaıynda agenttikke tótenshe jaǵdaı qyzmetindegi aqparat kózi málimdedi.
«Slavıan býlvary» stansasyn jaryp jiberem dep qorqytqan adam qolǵa tústi» deıdi aqparat kózi.
Aıta keteıik, er adam mas bolǵan jáne ózin birqalypty ustaı almaǵan.
Onyń qolynda qaýip týǵyzatyndaı jarylǵysh zat joq bolyp shyqty.
Ol sapar shegip kele jatqan vagon «Kıev» stansasyna jetkizilip, qazir egjeı-tegjeıli tekserilip jatyr.
Máskeý metrosy áleýmettik jelidegi paraqshasynda «Slavıan býlvary» stansasynyń qyzmeti qaıta qalpyna kelgenin, shtattyq rejımde jumys istep turǵanyn habarlady.
Eske sala keteıik, keshe keshke Máskeý metropolıtenine qarasty «Slavıan býlvary» stansasynda er adam qolynda granata bar ekenin jáne ony jaratynyn aıtyp, qorqytqan.
Polıtsııa qyzmetkerleri onymen kelissóz júrgizdi.
Buǵan deıin poıyzdan granataǵa uqsas zat tabylǵany habarlanǵan bolatyn. Stansaǵa kirip-shyǵatyn esikter túgel jabylǵan.
TASS aqparat kóziniń málimetinshe, keshki 19:25 shamasynda «Slavıan býlvary» stansasynan ıesiz zat tabylǵan.
«Polıtsııa talabymen jolaýshylar evakýatsııalandy, stansaǵa kirip-shyǵatyn esikter jabyldy» dep málim etti aqparat kózi.
Onyń aıtýynsha, Máskeý ýaqytymen saǵat 19:00 kezinde «Kıev» stantsııasyn betke alǵan poıyz «Slavıan býlvary» stansasynda jolaýshylardy túsirgen, óıtkeni onyń eń sońǵy vagonynan granataǵa uqsas zat tabylǵan.
