Máskeý metrosynda qyrǵyzstandyq relske qulaǵan áıeldi qutqardy
ASTANA. QazAqparat - Máskeý metrosynda 28 jastaǵy qyrǵyzstandyq Marat Isaev relske qulaǵan máskeýlik ıÝlııa Valdi qutqardy. Bul týraly KırTAG habarlady.
Oqys oqıǵa «Krasnoselskaıa» stansasynda oryn aldy. Názik jandy esinen tanyp, relske qulaǵan. Bul kezde poıyz kele jatqan. Stansa boıynsha kezekshi polıtseı járdemdespek boldy. Alaıda ol jalǵyz ózi áıeldi kótere almady. Marat sekirip túsip, oǵan dereý kómekke umtyldy.
«Dabylqaqqyshty estip, jaryq shamdardy kórgen soń poıyz toqtamaıdy dep oıladym. Biz áıeldi rels arasyndaǵy jerge súıredik. Ony kóterýdiń máni bolmady. Óıtkeni poıyz janshyp óte shyǵar edi. Áıteýir sońǵy sekýndta temirjol tabanyndaǵy qýysqa jatyp úlgerdik», - dedi qyrgyzstandyq.
Abyroı bolǵanda bári aman qaldy.
Marat «Dızaın Depo» fırmasynda kýrer bolyp jumys isteıdi.
