Máskeý metrosynda qýatty jarylys boldy, qaza tapqandar bar
ASTANA. Naýryzdyń 29-y. QazAqparat - Búgin Máskeý metrosynda jarylys boldy.
«Lýbıanka» stansysynda poıyz vagonynda bolǵan jarylystyń saldarynan qaza tapqandar bar, bul týraly «RIA «Novostı» agenttigi habarlady.
«Jarylys poıyzdyń úshinshi vagonynda oryn alǵan degen paıymdaýlar aıtylýda. Oqıǵa ornyna órt sóndirýshiler men qutqarýshylar, «jedel járdem kólikteri jetti», dep habarlaıdy quqyq qorǵaý organdaryndaǵy derek kóz.
RF Tótenshe jaǵdaılar mınıstrliginiń aqparattar basqarmasynyń jetekshisi Rına Adrıanovanyń habarlaýynsha, jarylys saldarynan, aldyn-ala málimetter boıynsha, 26 adam mert bolǵan: 15-i - poıyzda, 11-i - platformada qaza tapqan.
«RIA «Novostı» agenttigi oqıǵanyń mán-jaıy týraly ázirge eshqandaı resmı málimdemeniń joq ekenin habarlap otyr.
