Máskeý metrosynda er adam granata jaram dep polıtseılerdi qorqytyp otyr
MÁSKEÝ. TASS-QazAqparat - Máskeý metropolıtenine qarasty «Slavıan býlvary» stansasynda er adam granata jaramyn dep qorqytyp jatyr, dep habarlaıdy QazAqparat TASS agenttigine silteme jasap.
«Slavıan býlvary» stansasynda er adam qolynda granata bar ekenin jáne ony jaratynyn aıtyp, qorqytyp otyr. Polıtsııa qyzmetkerleri onymen kelissóz júrgize bastady» dep málimdedi agenttiktiń aqparat kózi.
Buǵan deıin poıyzdan granataǵa uqsas zat tabylǵany habarlanǵan bolatyn.
Qazirgi ýaqytta stansaǵa kirip-shyǵatyn esikter túgel jabyq.
TASS aqparat kóziniń málimetinshe, keshki 19:25 shamasynda «Slavıan býlvary» stansasynan ıesiz zat tabylǵan.
«Polıtsııa talabymen jolaýshylar evakýatsııalandy, stansaǵa kirip-shyǵatyn esikter jabyldy» dep málim etti aqparat kózi.
Onyń aıtýynsha, Máskeý ýaqytymen saǵat 19:00 kezinde «Kıev» stantsııasyn betke alǵan poıyz «Slavıan býlvary» stansasynda jolaýshylardy túsirgen, óıtkeni onyń eń sońǵy vagonynan granataǵa uqsas zat tabylǵan.
