Máskeý metrosy qyzmetkeriniń apatqa qatysty tutqyndalýynyń zańdylyǵy qaralmaq
MÁSKEÝ. QazAqparat - Reseı astanasynyń qalalyq soty Máskeý metrosynda bolǵan apatqa qatysty degen metropolıten sheberi Valerıı Bashkatovty tutqyndaý zańdylyǵyn qaraıdy. Ol kólik qaýipsizdigi talaptaryn buzǵany úshin aıypty dep tanylǵan bolǵan.
«Appelıatsııalyq komıssııanyń Bashkatovty qamaýǵa alý, bultartpaý sharalaryn qabyldaý týraly Basman sotynyń qaýlysyn qaraýy 11 tamyz kúni saǵat 11:15-ke taǵaıyndaldy», - deıdi Basman sotynyń baspasóz hatshysy Anna Fadeeva.
Budan buryn Basman soty tergeýshiniń suraýy boıynsha jol sheberin 15 qyrkúıekke deıin qamaýǵa alǵan. Sondaı-aq Bashkatovtyń kómekshisi ıÝrıı Gordov, «Máskeý metropolıteni» MBK jol qyzmeti kúrdeli jóndeý dıstantsııasy bastyǵynyń orynbasary Alekseı Trofımov pen «Spetstehrekonstrýktsııa» JShQ qosalqy merdigerlik uıymynyń óndiris jónindegi dırektory Anatolıı Krýglov tutqynǵa alynǵan, dep jazady ITAR-TASS.
Eske sala keteıik, apat 15 shildede Arbat-Pokrovskıı jelisinde «Jeńis saıabaǵy» jáne «Slavıan gúlzary» stansalary arasynda oryn alǵan bolatyn. Apat saldarynan 23 adam qaza taýyp, 150-den astam adam zardap shekti.
