Máskeý meri S. Sobıanın otstavkaǵa ketýge sheshim qabyldady
ASTANA. 5 maýsym. QazAqparat - Máskeý meri Sergeı Sobıanın otstavkaǵa ketýge sheshim qabyldady. Bul týraly ol Qoǵamdyq palatanyń otyrysynda málim etti, dep habarlaıdy RBK.
Qurylym ókilderi merden qalalyq memlekettik baǵdarlamalar men uzaqmerzimdi jobalardy sońyna deıin jetkizýge daıyndyǵy jaıly surady.
Óz kezeginde, qala basshysy óziniń bergen ýádeleriniń barlyǵyn da oryndaı alatyndyǵyn, alaıda oǵan máskeýlikterdiń senimi aýadaı qajet ekendigin aıtty. Osyǵan oraı, S. Sobıanın otstavkaǵa ketip, 2013 jyldyń qyrkúıek aıynda bolatyn mer saılaýyna qatysý týraly sheshim qabyldaǵan.
Máskeý qalalyq dýmasyndaǵy derekkózderdiń aıtýynsha, jaqyn kúnderde Máskeý parlamentinde kezekten tys otyrys bolyp, ol jerde depýtattar S. Sobıanın kandıdatýrasyn qala meri qyzmetine usynbaq.
Mer saılaýy biryńǵaı daýys berý kúni 8 qyrkúıekte bolmaq. Dál osy kúni Máskeý oblysy gýbernatorynyń da saılaýy ótpek.
