Máskeý meri orynbasarynyń laýazymyn 3 mln. eýroǵa satpaq bolǵan
ASTANA. QazAqparat - Máskeý meri orynbasarynyń laýazymyn 3 mln. eýroǵa satpaq bolǵan. Osyndaı «kásippen» aınalysqan eki qaskóı 500 myń eýro kóleminde kepildik aqsha alyp jatqan jerinde qolǵa tústi, dep habarlady "Izvestııa".
Máskeýde ártúrli atqarýshy jáne zań shyǵarýshy organdardaǵy laýazymdardy satýǵa kúdikti qylmystyq toptyń músheleri ustaldy. Tergeý málimetterine qaraǵanda, olar Úkimette qala salý saıasaty jáne qurylys máselesimen aınalysatyn Máskeý meriniń orynbasary laýazymyn úsh mıllıon eýroǵa satyp alýdy usynǵan.
Qylmyskerler qazir osy laýazymda otyrǵan Marat Hýsnýllındi bosatý máselesi aqsha berilgen sátten bastap, eki-úsh aptanyń ishinde sheshiletinine sendirgen. Satyp alýshy rólin ekonomıkalyq qaýipsizdik jáne sybaılas jemqorlyqqa qarsy turý bóliminiń atqarǵan. Ol qylmyskerlerge 500 myń eýro kepil aqsha berip, ony alý ústinde ustaǵan. Qazirgi kezde olarǵa qarsy «Alaıaqtyq» babymen qylmystyq is qozǵaldy.
