Máskeý men Vashıngton arasyndaǵy kelissózder kelesi aptanyń basynda ótýi múmkin

ASTANA. KAZINFORM – RF prezıdentiniń baspasóz hatshysy Dmıtrıı Peskovtyń aıtýynsha, Reseı men AQSh arasyndaǵy kelissózder Saýd Arabııasynda kelesi aptanyń basynda ótýi múmkin, dep habarlaıdy Kazinform agenttiginiń tilshisi.

Reseı jáne amerıkalyq delegatsııalar arasyndaǵy Saýd Arabııasyndaǵy aldaǵy kelissózder týraly suraqqa jaýap bergen Dmıtrıı Peskov «Bul dál jeksenbi kúni ótpeýi múmkin, qazir sońǵy nıýanstar kelisilip jatyr» dep málimdedi.

Onyń aıtýynsha, Kreml kelissózderge Reseı tarapynan kim qatysatyny týraly ýaqtyly habarlaıdy.

Taraptar, sonyń ishinde, astyq kelisimin qaıta jandandyrý máselesin talqylaıdy.

Eske sala keteıik, seısenbi kúni Reseı men AQSh basshylary telefon arqyly sóılesti. Taraptar Ýkraınadaǵy barlyq energetıkalyq jáne ınfraqurylymdyq máseleler boıynsha «tez arada atysty toqtatý» týraly kelisimge keldi.

Keıinnen álemdik kóshbasshylar Tramp pen Pýtın arasyndaǵy kelissózderdiń nátıjesin talqylady. Sondaı-aq Qazaqstan Prezıdenti Qasym-Jomart Toqaev telefon arqyly ótken kelissózderdiń qorytyndysyn quptaıtyny habarlandy.