Almaty men Máskeý arasyndaǵy tikeleı temirjol qatynasy qalpyna keltiriledi

ASTANA. KAZINFORM — Máskeý men Almaty arasyndaǵy tikeleı temirjol qatynasy qaıta iske qosylady, dep habarlaıdy «Reseı temir joly» portaly.

— «Qazaqstan temir joly» kompanııasymen kelise otyryp, biz Máskeý men Almaty arasynda tikeleı poıyz qatynasyn qalpyna keltirip jatyrmyz. Poıyzdar eki kún saıyn qatynaıtyn bolady, — delingen habarlamada.

Poıyz kestege sáıkes, Almatydan 26 qazan kúni jergilikti ýaqytpen saǵat 20:00–de № 7/8 Almaty-Saratov baǵyty boıynsha jolǵa shyǵady. Máskeýden 30 qazan kúni Máskeý ýaqytymen 19:27–de № 85/86 Máskeý-Derbent poıyzymen attanady. Jol júrý ýaqyty shamamen úsh jarym kún bolady.

Aıta keteıik, Almaty men Máskeý arasyndaǵy tikeleı qatynas 2017 jyly toqtatylǵan bolatyn. 

Biraz ýaqyt buryn Oljas Bektenov temir jol jobalaryn ýaqytyly paıdalanýǵa berýdi tapsyrǵan edi.