Máskeý memlekettik ýnıversıtetiniń qazaqstandyq fılıalynda Abaı jáne A.S.Pýshkın oqýlary ótti
ASTANA. Qyrkúıektiń 22-si. QazAqparat /Janna Qorqytova/ - M.Lomonosov atyndaǵy Máskeý memlekettik ýnıversıtetiniń qazaqstandyq fılıalynda Qazaqstan halqy tilderiniń festıvali aıasynda búgin «Abaı jáne Pýshkın: mádenıetter dıalogy» degen taqyrypta «dóńgelký ústel» otyrysy ótti.
Uıymdastyrýshylardyń aıtýynsha, bul sharanyń maqsaty - zııatkerlik damýdyń negizin quraıtyn jasampaz oqý men sapaly bilimge qoldaý kórsetý.
Shara barysynda eýrazııashylyq problemalary boıynsha jaryssózder ótti, sondaı-aq eki tilde Abaı men Pýshkın týyndylary oqyldy, uly sóz sheberleriniń shyǵarmashylyǵyna arnalǵan slaıdtar kórsetilimi boldy.
Bul sharaǵa fılıaldyń oqytýshylary men stýdentteri, Qazaqstan halqy Assambleıasynyń jáne elordalyq tilderdi damytý departamentiniń ókilderi qatysty.
