Máskeý mektebinde atylǵan oq oqıǵasynyń resmı nusqasy jarııalandy
ASTANA. QazAqparat - Tergeý komıteti máskeýlik №263 mektepte oryn alǵan atys týraly málimdemeniń resmı nusqasyn jarııalady.
«Búgin túske qaraı №263 mekteptiń joǵarǵy synyp oqýshysy bilim ordasyna qarýmen kelgen. Kúzetshi ony ustap qalmaqshy bolǵan, oqýshy sol sátte shúrippeni basyp qalǵan. Kúzetshi dabyl núktesin basyp úlgergen. Ol qarýly oqýshyny 10 synyp oqýshylary otyrǵan bıologııa kabınetine deıin ákelgen. Jolshybaı qarýdan atylǵan oqtyń biri muǵalimge tıgen, ol alǵan jaraqatynan kóz jumdy, - dep habarlaıdy vedomstvonyń ókili Vladımır Markın. Qaıtys bolǵan ustazdyń esimi - Andreı Kırılov.
«Mektep kúzetshisiniń shaqyrtýy boıynsha kelgen polıtsııa qyzmetkerleri ǵımaratqa kirgen bette, oqýshy olarǵa da oq atqan. Saldarynan bireýi jaralanyp, al endi biri sol sátte jan tapsyrǵan», - dedi Markın. Budan buryn alǵan jaraqatynan polıtsııanyń aǵa serjanty Sergeı Býsıýevtiń qaıtys bolǵany týraly habarlandy.
ІІD baspasóz qyzmetiniń derekteri boıynsha qylmysker eki myltyqpen qarýlanǵan. Ol bir saǵattan keıin tutqyndaldy.
«Oq atqan jasósipirim úzdik oqýshymyz edi», deıdi A.ıAkýnın. Ony bul qylmysqa emotsııalyq kúızelis ıtermelegen bolýy múmkin. Ulyn quqyq qorǵaý organdary qyzmetkerlerine berilýge ákesi kóndirgen.
