Máskeý mańyndaǵy ushaq apatynan «Birinshi arna» telearnasynyń qyzmetkeri opat boldy
ASTANA. QazAqparat - Máskeý mańynda bolǵan Istra sý qoımasynyń ústinde tikushaq pen gıdroushaqtyń soqtyǵysýy saldarynan opat bolǵandar arasynda «Birinshi arna» telearnasynyń qyzmetkeri Elızaveta Hakımova bolǵan, dep habarlaıdy RBK.
«Oqıǵa saldarynan ajal qushqandardyń basym bóliginiń jasy 30-ǵa da jetpegen. Sýdan tabylǵan 8 adamnyń múrdesi tanyldy. Olardyń ishinde Birinshi arna telearnasynyń qyzmetkeri Lıza Hakımova da bar. Bıylǵy qazan aıynda ol nebári 27 jasqa tolar edi», - dep habarlady telearnadan.
E.Hakımova aqparattyq qyzmet proıýdseri retinde qyzmet etken. Esterińizge sala keteıik, Máskeý mańynda gıdroplan men Robinson tikushaǵy 8 tamyzda máskeý ýaqyty boıynsha saǵat 20.06-da bir-birimen soqtyǵysyp qalǵan, saldarynan ekeýi de sýǵa qulaǵan. Tikushaq bortynda tórt adam, al ushaq bortynda bes adam bolǵan. Tergeýshiler apat sebebiniń bir nusqasy retinde ushqyshtardyń biriniń qateligin aıtyp otyr.
