Máskeý mańynda jolaýshylar mingen avtobýs aýdarylyp, 20 adam zardap shekti
MÁSKEÝ. QazAqparat - Máskeý mańynda Domodedovo aýdanynda avtobýs aýdarylyp qaldy. Kólikte 29 jolaýshy bolǵan. Bul týraly TASS agenttigine Tótenshe jaǵdaılar mınıstrliginiń baspasóz qyzmeti habarlady.
«A-107 trassasynda jolaýshylar avtobýsy aýdarylyp qaldy. Kólikte 27 jolaýshy men eki júrgizýshi bolǵan»,-dedi agenttikke aqparatty bergen azamat.
Osy oqıǵaǵa baılanysty túksen sońǵy málimetterge qaraǵanda, oqıǵanyń saldarynan zardap shekkender sany 20 adamǵa jetti. Olardyń bireýi bala. 13 adam osy kezde Domodedovo aýrýhanasynda jatyr. Taǵy 7 adam Podolskiniń jaraqattar bólimine jetkiziledi. Zardap shekkenderdiń barlyǵyna qajetti kómek kórsetilýde.
Avtobýstyń aýdarylýyna júrgizýshiniń qateligi sebep bolǵan. Ol jolda kele jatyp, kólikti basqara almaı qalǵan.
