Máskeý mańynda zeınetkerdiń 40 myń dollary men 1 keli altyn shaqalary urlandy
ASTANA. QazAqparat - Máskeý mańyndaǵy úılerdiń birinde turatyn zeınetkerden 40 myń AQSh dollary men salmaǵy 1 kg bolatyn altyn shaqalar urlandy, dep habarlaıdy TASS agenttigi Reseı astanasynyń polıtsııa qyzmetine silteme jasap.
Agenttik taratqan málimetterge qaraǵanda, zeınetkerge keltirilgen shyǵynnyń kólemi 5 mln 700 myń Reseı rýblin quraǵan.
Urlyq 7 naýryz kúni bolǵan.
«Polıtsııaǵa 1958 jylǵy zeınetker shaǵymdanyp, belgisiz bireýlerdiń Jańa Máskeýde ornalasqan úıiniń terezesinen kirip, 40 dollar men altynnan quıylǵan, salmaǵy 1 kg bolatyn kollektsııalyq shaqalardy urlap ketkenin aıtty. Keltirilgen jalpy shyǵynnyń kólemi 5 mln 705 myń 720 rýbl boldy»,-dep habarlady baspasóz qyzmeti.
Atalǵan oqıǵa boıynsha polıtsııa «Asa iri kólemde urlyq jasady» degen bappen is qozǵady.
