Máskeý mańynda ushaq apatynan Qazaqstan týmasy ajal qushty - QR SІM
ASTANA. QazAqparat - Máskeý mańynda apatqa ushyraǵan ushaqta Qazaqstan týmasy da bolǵan, dep málimdedi «QazAqparat» HAA tilshisine QR SІM ókili.
«Bizdegi málimetterge qaraǵanda, qaza tapqandardyń arasynda 1988 jyly Qyzylorda oblysynda dúnıege kelgen Qazaqstan týmasy da (áıel adam) bolǵan. Onyń azamattyǵyn (BAQ - Red.) shatastyryp alǵan bolýy múmkin. Degenmen biz osy aqparatty tekserip jatyrmyz. Reseı tarapynan jolaýshylar arasynda Qazaqstan azamaty bolǵany týraly resmı málimet alǵan joqpyz. Sondyqtan ushaq bortynda qazaqstandyqtar bolmaǵany jaıyndaǵy buryn aıtqan pikirde qalamyz», - deıdi «QazAqparat» HAA tilshisine QR SІM baspasóz qyzmetiniń basshysy Ánýar Jaınaqov.
Eske sala keteıik, Orsk ákimshiliginiń baspasóz hatshysy Elena Abramova aldyn ala málimetter boıynsha ushaqta Shveıtsarııa, Ázerbaıjan jáne Qazaqstan azamattary bolǵanyn aıtqan edi. «Boljaýymyzsha, úsh sheteldik azamat: Shveıtsarııa azamaty, Ázerbaıjan azamaty jáne Qazaqstan azamaty bolǵan. Sońǵysyna qatysty málimetter áli tekserilip jatyr», - dedi ol.
Máskeýdiń Domodedovo áýejaıynan áýege kóterilgen An-148 jolaýshylar ushaǵy birden radar ekranynan joǵalyp ketti. Ol shamamen Máskeý mańyndaǵy Ramensk aýdany aýmaǵynda qulady. Bortynda 71 adam, sonyń ishinde alty ekıpaj múshesi bolǵan. Buryn Orynbor oblysynyń bıligi ondaǵy 60 adam óńir turǵyndary bolǵanyn aıtqan edi.
Foto: russian.rt.com
