Máskeý kóshelerindegi saǵattar qysqy ýaqytqa qolmen kóshiriledi
ASTANA. QazAqparat - Máskeý kóshelerindegi myńnan astam saǵat jeksenbige qaraǵan túni qolmen bir saǵatqa keıin aýystyrylady. Máskeýdiń jylý-energetıkalyq sharýashylyǵy departamentinen habarlaǵandaı, munymen Ýaqyt qyzmetiniń arnaıy brıgadalary aınalysady, dep habarlady TASS.
180 adamnan quralǵan kommýnalshylardyń 90-ǵa jýyq brıgadasy kóshedegi saǵattardy aýystyrýǵa jumyldyrylady. Sebebi, ol saǵattar tek qolmen túzetiledi. Mundaı mehanızmderdi brıgadalar avtomunaralar kómegimen atqarady. Mamandar bıikte turǵan saǵattarǵa shyǵyp, olardyń korpýstaryn ashyp, elektrondy blokqa basqarý pýltin qosady. Sodan keıin jańa ýaqytty engizedi. Sondaı-aq Máskeýde saǵat tilin avtomatty rejımde aýystyratyn mehanızmder de qarastyrylǵan. Eger mundaı ýaqyt aýystyrý áreketi durys júrgizilmese, mamandar onyń buzylǵandyǵy jaıly Ýaqyt qyzmetiniń dıspetcherine habarlaıdy, bul isti ári qaraı elektrmontajdaý brıgadasy qolǵa alady.
