Máskeý: Kommýnarkada koronavırýstan bir adam kóz jumdy
MÁSKEÝ. TASS-QazAqparat – Kommýnarkadaǵy medıtsınalyq ortalyqta sońǵy bir táýlikte eki adam qaıtys boldy, dep málim etti aýrýhanynyń bas dárigeri Denıs Protsenko óziniń Facebook paraqshasynda. Bul týraly QazAqparat TASS agenttigine silteme jasap habarlaıdy.
«Sońǵy kúnde bizde eki adam qaıtys boldy. 80 jastaǵy bir naýqasqa koronavırýs, pnevmonııa, gamatýrııa dıagnozy qoıyldy. Patsıent tórt kún boıy jasandy tynys alý apparatynda boldy «, - dep jazdy ol.
Protsenko qaıtys bolǵan ekinshi patsıenttiń 69 jasta ekenin atap ótti. Naýqasqa sozylmaly dıabet dıagnozy qoıylǵan. Ol úsh táýlik boıy jasandy tynys alý apparatynda bolǵan.
Qazirgi ýaqytta Kommýnarkada 348 adam em qabyldap jatyr.
Koronavırýs aýrýynyń órshýi 2019 jyldyń jeltoqsan aıynda Ortalyq Qytaıda bastalǵan. Keıinnen 160 elge taraldy. DDSU ony pandemııa dep atady.
Sońǵy derekter boıynsha álem boıynsha 630 myńnan astam adam vırýs juqtyrǵan, 30 myńnan astamy qaıtys bolǵan. Reseıde koronavırýs juqtyrýdyń 1534 jaǵdaıy tirkelgen, segizi kóz jumǵan.
