Máskeý bırjasyna salynǵan sanktsııa teńge baǵamyna áser etpeıdi — sarapshy
ALMATY. KAZINFORM — Táýelsiz qarjy sarapshysy Andreı Chebotarev Amerıkanyń Máskeý bırjasyna (MOEX) qarsy sanktsııa engizýine pikir bildirdi.
Qarjyger AQSh-tyń Máskeý bırjasyna qarsy sanktsııasynan soń rýbldiń dollarǵa nemese eýroǵa qatysty jup valıýtalarymen saýda-sattyq naryqtyq negizde toqtatylatynyn, al kýrs bırjadan tys saýda arqyly anyqtalatynyn atap ótti.
«Qarsy sanktsııa qorqynyshty ári jaǵymsyz estiledi. Rasynda solaı. Sanktsııa dollardyń kez kelgen aınalymyn bógeıdi. Onyń ústine sanktsııalyq rejımge baǵynyshty kompanııalarmen ózge jahandyq kompanııalar jumys istemegisi kelmeıdi. ıAǵnı, biz», — dedi ol.
Sarapshynyń aıtýynsha, Qazaqstan qor bırjasynda ornalasqan aktsııalardyń 13,1% MOEX-ke tıesili.
«KASE-ge keletin bolsaq, qazir ol úshin qaıtalama sanktsııa táýekelderi, olardyń bar bolǵanyna qaramastan, ósken joq. Óıtkeni Máskeý bırjasy aktsıonerler qurylymynda mınorıtarlyq úleske ıe — 13,1%. Eger reseılikterde 50% bolsa, onda sanktsııa Sberbank, Alfa jáne VTB enshiles bankteri sııaqty KASE-ge de avtomatty túrde áser etedi. Sondyqtan, sanktsııa qaýipke aınalǵan joq, taǵy bir jaıt, KASE úshin sheteldik klıenttermen sáıkestik protsedýralaryn júrgizý áldeqaıda qıyn boldy, óıtkeni qurylymda sanktsııalanǵan aktsıoner paıda boldy. Bul jaman. Sirá, bul aktsııany satý nemese satyp alý jóninde sheshim qabyldanady. ıAǵnı, reseılikter bul aktsııalardy satýy kerek», — dep esepteıdi sarapshy.
Andreı Chebotarev sanktsııa teńge baǵamyna áser etpeıtinin, biraq haıp pen dúrbeleńniń saldarynan dál osy sátte rýbl baǵamynan kórinis tabýy múmkin ekenin aıtty.
«Iá, olardyń bırjasy jabyldy, jaı ǵana jabaıy valıýta naryǵy bolady, onda bırjadan tys bankaralyq operatsııalar kópten beri júrip jatyr, endi valıýta baǵamy soǵan qaraı anyqtalady. Basqa tańdaý joq. Biraq biz baqylap otyramyz. Ázirge qorqynyshty eshteńe bolǵan joq, onyń ústine bul - burynnan eseptelgen jáne talqylanǵan táýekelder. Endi reseıliktermen tez arada kelisimge kelip, olardyń úlesin satyp alýymyz kerek. Alfa bankinde bolǵandaı jeńildikpen. Qalǵany kelissózge baılanysty bolady. Aldaǵy ýaqytta úlesti berý boıynsha kelissóz bastalady dep oılaımyn. Sanktsııalar qaýip tóndirmeıtinine qaramastan sanktsııalanǵan iri aktsıonermen jumys isteý qıyn ekenin bári túsinedi», — dep qosty ol.
Jaqynda AQSh Qarjy mınıstrligi Reseıge qarsy sanktsııalardyń jańa paketin engizetinin jarııalady. Bul tizimge Máskeý bırjasy men onyń enshiles kompanııalary engen.
Qazaqstan qor bırjasy (KASE) AQSh qarjy mınıstrliginiń sheteldik aktıvterdi baqylaý jónindegi basqarmasy jarııalaǵan aqparatqa túsinik berdi.
Sondaı-aq QR Ulttyq bankiniń tóraǵasy Tımýr Súleımenov AQSh-tyń Máskeý bırjasyna qatysty sanktsııasy Qazaqstanǵa qanshalyqty áser etedi degen suraqqa jaýap bergen bolatyn.
