Máskeý bırjasy KASE aktsıonerleri qatarynan shyqty

ASTANA. KAZINFORM – Máskeý bırjasy Qazaqstannyń qor bırjasy (KASE) aktsıonerleri qatarynan shyqty. Bul týraly Ulttyq bank tóraǵasy Tımýr Súleımenov málim etti.

Máskeý bırjasy sanktsııalyq tizimge ilingenge deıin KASE aktsııalarynyń 13,1 paıyzyna ıelik etken bolatyn. Sonymen qatar bırja aktsıonerleri qatarynda Ulttyq bank (46,9%) pen Halyk Group (9.3%) bar.

Sonymen Qazaqstannyń qor bırjasynyń jańa aktsıonerleri mynalar:

- Úlestiń 4,6 paıyzyn nemese 49,2 myń aktsııany ıelik etetin «Levkoı» jabyq úlestik ınvestıtsııalyq birikken qory.

- Úlestiń 8,5 paıyzyn nemese 91,3 myń aktsııany ıelik etetin «Nıgella» jabyq úlestik ınvestıtsııalyq birikken qory.

Eki qor da «Infınıtým» mamandandyrylǵan depozıtarııi» AQ kompanııasyna qarasty.

Buǵan deıin Qazaqstan qor bırjasynyń basqarma tóraǵasy Alına Aldambergen Máskeý bırjasynyń (MOEX) sanktsııaǵa ilinýi Qazaqstannyń valıýta naryǵyna qandaı qater tóndirip otyrǵanyn aıtqan edi.