Máskeý bıligi «Olımpııskıı» sport keshenin satyp jiberdi
ASTANA. QazAqparat - Máskeý bıligi «Olımpııskııdiń» baqylaýshy aktsııalar paketin satyp alýshyny tapty. Keshegi aýktsıon barysynda Máskeý úkimetine jáne qalalyq bılik baqylaýyndaǵy salaaralyq ınvestıtsııalar qoryna tıesili sport kesheniniń 64 paıyz aktsııasyn 4, 672 mlrd rýb. - bastapqy baǵasynan 222,5 mln. rýb joǵary somaǵa satty. Bul týraly RBK habarlady.
Pakettiń jańa ıesi «Neftegazprod» JAQ atandy. Aýktsıonǵa qatysýǵa ótinimdi «Megapolıs» JAQ men «Sáýlet eskertkishterin qalpyna keltirý ortalyǵy» berdi, biraq olar jeńimpaz usynǵan baǵaǵa qarsy baǵa qoıýǵa tyryspady da.
SPARK derekterine súıensek, «Neftegazprod» JAQ-tyń 100 paıyzdyq ıegeri Varvara Fılıppova bolyp tabylady. Kompanııa Máskeýde 2001 jyly tirkelgen. «Neftegazprod» JAQ-tyń negizgi qyzmet túrlerine tirkelgen kezde azyq-túlik ónimderin kóterme satý, munaı shıkizatyn, munaı ónimderin óndirý kórsetildi. Kompanııanyń jarǵylyq kapıtaly 20 myń rýb. quraıdy, taza aktıvterdiń quny - 131, 303 mln. rýb. «Neftegazprod» JAQ «Parıtet-SK» saqtandyrý kompanııasynyń birlesip ıemdenýshisi (29 paıyz) bolyp tabylady.
Bastapqyda «Olımpııskıı» SK aktsııalaryn satý aýktsıonyn 2012 jyly qarashada ótkizbekshi bolǵan, saýda-sattyq ótinim bolmaǵan soń birneshe ret keıinge qaldyrylǵan.
Qazir sport kesheni aktsııasynyń 27,456%-y «Trast» joǵary lıgasna» tıesili.
«Olımpııskıı» ortalyq alańyna 30 myń kórermen syıady, standartty fýtbol alańy bar. Keshenniń tamasha bir jeri - eki is-sharany bir ýaqytta ótkizýge bolatyndaı etip zaldy eki avtonomdy bólikke bólý múmkindigi bar.
