Máskeý bıligi balalar pornografııasyna baılanysty blogtarǵa tekserý júrgizedi
ASTANA. 30 qańtar. QazAqparat - Máskeý bıligi orys tildi blogtarda kámeletke tolmaǵandarǵa jynystyq qatynasty nasıhattaıtyn materıaldardyń bar-joǵyn anyqtaý maqsatynda saraptamalyq zertteý júrgizýge tapsyrma berdi. Bul jaıynda qańtardyń 29-y kúni «Izvestııa» gazetinde aımaqtyq qaýipsizdik departamentiniń bastyǵy Alekseı Maıorovqa silteme jasalǵan habar jaryq kórdi.
Naqtyraq aıtqanda, jynystyq qatynasqa ıtermeleıtin qandaı da bir mátinniń, fotosýrettiń, aýdıo nemese beınejazbalardyń bar-joǵy tekserilýi múmkin. muslim.kz saıtynyń jazýynsha, bul eń aldymen, balalar pornografııasyna qatysty júrgiziledi. Tekserý jumystaryna 14 mln rýbl bólindi.
Sarapshylardyń deni quqyqqorǵaý organdarynan tartylýy múmkin.
Qaýipsiz ǵalamtor lıgasynyń saıtynda buryn habarlanǵandaı, balalar pornografııasymen kúresetin kıberliktilerge arnalǵan áleýmettik jeli uıymdastyrylady. Olar ózderi anyqtaǵan pornografııaǵa qatysty aqparatty quqyqqorǵaý oryndaryna habarlaıtyn bolady.
