Máskeý-Beıjiń jyldamdyǵy joǵary magıstrali Qazaqstan arqyly ótýi yqtımal
ASTANA. QazAqparat - Máskeý-Beıjiń jyldamdyǵy joǵary magıstrali Qazaqstan aýmaǵy arqyly ótýi múmkin, dep málimdedi seısenbi kúni RF-nyń Qytaı Halyq Respýblıkasyndaǵy Elshisi Andreı Denısov. Bul týraly TASS habarlaıdy.
«Mamandar Máskeý-Qazan joǵary jyldamdyqty magıstralin tabysty iske asyrǵan jaǵdaıda bul temir joldy odan ary ońtústik-shyǵysqa qaraı jalǵastyryp, Qytaıǵa deıin jetkizýge bolatyndyǵyn aıtyp otyr. Sol arqyly Reseı men Qytaı Qazaqstan aýmaǵy arqyly qosylyp, jańa Jibek joly baǵytynyń quramdas bóligi bolýy múmkin taǵy bir kóliktik kesteni qurýǵa bolady», - dedi dıplomat.
