Máskeý B.Berezovskııdiń týystary ony Reseıde jerleý týraly ótinish jasasa, ony qaraıdy

Bul týraly RF Prezıdentiniń baspasóz hatshysy Dmıtrıı Peskov "Dojd" telearnasynyń efırinde habarlady, degenmen bul oraıda rásimniń qalaı ótetini oǵan beımálim ekenin naqtylady, dep jazady ITAR-TASS.

"Eger ondaı ótinish bolsa, áýeli osyndaı ótinishti kúteıik, sodan keıin Máskeý sheshim qabyldaıtyn bolar", - dedi Peskov.

Jýrnalısterdiń ótinishimen Peskov Berezovskııdiń budan buryn RF Prezıdentinen óziniń qatelikterin moıyndap, elge oralýǵa ruqsat suraǵany týraly haty týraly málimetterge túsindirme berdi. atap aıtqanda, bul hat "jeke arnalar" boıynsha berilgenin" naqtylady.

Tutastaı alǵanda Berezovskıı týraly aıta kelip, prezıdenttiń baspasóz hatshysy qýǵynda júrgen kásipkerdiń Pýtınniń ózine tikeleı qatysty naqty áreketteri jóninde ózine qandaı da bir áreketter belgisiz ekenin aıtty.
"Men faktiler týraly ǵana aıta alam, ol Reseıdiń ishindegi ǵana emes, shetelderdegi úderisterge, ıaǵnı , Reseı men Pýtınge qarsy baǵyttalǵan qoldaýǵa aqsha aıamaǵany anyq", - dedi Peskov.

"Berezovskııdiń málimdemeleri kóbine syndarly sıpatta bolmady. Nátıjege baǵyttalmaǵan obrazdy túrdegi qatal jáne ymyraǵa kelmeıtin soǵys jarııalaý - mundaı synnyń eshqandaı nátıjesi joq. Bul syndarly syn emes, álsiz jaýdyń syny", - dep sanaıdy baspasóz hatshysy.