Máskeý áýejaıynda ustalǵan 34 qytaı azamatynyń tasymaldaǵany esirtki zaty emes bolyp shyqty
BEIJІŃ. QazAqparat - Senbige qaraǵan túni Reseıdegi Qytaı elshiligi Máskeýdiń Sheremetevo áýejaıynda ustalǵan QHR-dyń 34 azamaty esirtki zaty emes, qytaı taǵamdaryn ázirleýge arnalǵan qospa tasymaldaǵanyn rastady. Bul týraly «Sınhýa» agenttigi habarlady.
Ustalǵandar - soltústik-shyǵys Heılýntszıan provıntsııasy kompanııasynyń qyzmetkerleri. Olardyń sózine qaraǵanda, tasymaldanǵan quramynda magnıı men natrıı bar 200 kg jýyq zatty tofý daıyndaý úshin paıdalanýǵa josparlanǵan.
Eske sala keteıik, reseılik kedenniń baspasóz qyzmetiniń habarlaýynsha, juma kúni Sheremetevo áýejaıynda 34 qytaılyq azamattan 230 keli aq untaqty zat bolǵan polıetılen qapshyqtary tárkilengen. Qazirgi ýaqytta atalǵan zatty hımııalyq saraptaýdan ótkizýde.
