Máskeý áýejaıynda Qazaqstanǵa baratyn júkten 56 myń eýrony urlap ketken
ASTANA. QazAqparat - Máskeýdegi Sheremetevo áýejaıynyń polıtseıleri Qazaqstanǵa bara jatqan júkten 56,5 myń eýrony urlaýǵa kúdikti júk tıeýshini ustady, dep habarlaıdy TASS RF ІІM resmı ókili Irına Volkke silteme jasap.
«Reseı ІІM jelilik basqarmasynyń Sheremetevo áýejaıyndaǵy kezekshilik bólimine máskeýlik kommertsııalyq banktiń biriniń ókili júktiń birshama bóliginiń jetispeıtindigine shaǵymdanǵan.
Er adam ótken aptada iri somadaǵy qarjy -5 mıllıonǵa jýyq eýrony Sheremetevo áýejaıy arqyly Qazaqstan Respýblıkasyna jibermek bolǵan.
Ushaq tıisti orynǵa jetkenen keıin júk qabyldaýshy 56 myń 500 eýronyń jetipseıtindigin anyqtaǵan», - dep atap ótti I.Volk.
Onyń aıtýynsha, polıtseıler kúdikti retinde áýejaıda jumys isteıtin Podmoskovıa turǵynyn ustaǵan.
« Er adam istegen qylmysyn moıyndady. Ony tekserý barysynda 10 myń eýro tabyldy, qalǵan soma onyń úıinen shyqty», -dedi I.Volk.
