Máskeý áýejaılarynda Egıpetten ákelingen 10 myńǵa tarta shabadan jınalyp qaldy
ASTANA. QazAqparat - Juma kúni keshke qaraı Egıpetten Reseıge 53 myńnan astam reseılik týrıster oraldy, Federaldyq týrızm agenttigi osyndaı málimetterdi keltiredi. Olardyń jartysy ázirge ózderiniń júkterin áli alǵan joq nemese áketken joq.
Jolaýshylar ózderimen qol júkterin ǵana ala alady, al úlken júkter Reseıge TJM arnaıy reısterimen jetkiziledi. Olar Máskeýge jáne Sankt-Peterbýrgke jáne odan ári qajettigine qaraı «Reseı poshtasy» arqyly basqa da eldi mekenderge poshtamen jóneltiledi. Shabadandardyń basym bóligi Vnýkovo áýejaıyna túsiriledi.
6-13 qarasha aralyǵynda Vnýkovoǵa 6370 sómkeler men shabadandar jetkizildi. Bul kezde Sheremetevo áýejaıyna 4087 birlik júk túsirildi. Domodedovo ótken jumadan beri Egıpetten ákelingen 7,5 myńnan astam júkti óńdedi.
Egıpetten usharda týrıster júkterin tapsyrýdy rásimdeıdi jáne ózderiniń baılanys málimetterin kórsetedi. Jolaýshylarǵa júkteriniń kelip túsken jeri týraly áýejaılar qyzmeti habardar etedi. Úıge oralǵannan keıin týrıster telefon nemese SMS boıynsha habarlardy kútýi tıis. Eger sómke nemese shabadan Reseıge belgi salynbaı ákelingen bolsa, ony sýretke túsirip, sýretterdi Máskeý avıatoraby áýejaılarynyń saıttaryndaǵy «Jolaýshylar úshin aqparattar» bólimine ornalastyrady, dep jazady RBK.
Juma kúni Vnýkovo áýejaıynyń basshylyǵy jolaýshylardan Egıpet Arab Respýblıkasynan ákelingen júkterin tezirek alyp ketýdi ótindi. Sheremetevoda júktermen problema joq ekeni habarlandy. Domodedovo Egıpetten ákelingen júkterdi óńdeý men suryptaýǵa jáne júk ıeleriniń suraqtaryna jaýap qaıtarýǵa 200-den astam mamandardy tartqan. Mundaı sharalar 10 jáne 12 qarashada áýejaıǵa «Volga-Dnepr» avıatsııalyq tasymal kompanııasynyń eki júk ushaqtary qonǵan, bir joly ǵana olar saıahatshylardyń 160 tonna júgin (shamamen 5 myń oryn) ákelgen.
Eske sala keteıik. 31 qazanda tańerteń Egıpette reseılik «Kogalymavıa» avıakompanııasynyń A321 ushaǵy apatqa ushyrady. Laıner Sharm-el-Sheıh -Sankt-Peterbýrg jolbaǵyty boıynsha reısti oryndaǵan. Ushaq bortynda 224 adam, sonyń ishinde ekıpaj músheleri bolǵan. Egıpettik bıliktiń aqparaty boıynsha, A321 apatynda eshkim de tiri qalǵan joq.
