Máskeý áýejaılarynda 60-tan astam reıs keshigýde
ASTANA. QazAqparat - Máskeý áýejaılaryndaǵy onlaın-tabloda 60-tan astam reıs keshigip jatyr. Ushaqtardyń keshigý sebepteri kórsetilmegen, dep jazdy RIA Novostı.
«Domodedovo» tablosyndaǵy málimetter boıynsha, keshe Máskeý ýaqytymen 21:30-da 18 ushý jáne 30 kelý reısteri keshikti. Eki reıs toqtatyldy. «Sheremetevo» áýejaıynda kelýi tıis 5 reıs, al «Vnýkovoda» 15 reıs keshikken.
Máskeý TJM baspasóz qyzmeti qalyń jaýǵan qar men borannan myń metrge deıingi jerdi kórý múmkin bolmaıdy dep habarlaǵan edi.
Senbi kúni «Aeroflot» qolaısyz aýa raıyna baılanysty 6-7 qarasha kúnderi «Sheremetevo» áýejaıynyń birqatar reısteri keshigetinin habarlady.
