«Máskeý-Antalııa» áýe reısi bıletiniń quny 75 paıyzǵa qymbattady
ASTANA. QazAqparat - Máskeýden Antalııaǵa ushatyn áýe reısiniń bılet quny osy baǵyttyń ashylýynan beri 75 paıyzǵa qymbattaǵan, - dep habarlady Reseı týroperatorlar qaýymdastyǵy.
Máskeý-Stambul áýe bıletiniń quny 40 paıyzǵa ósken.
Reseı týroperatorlar qaýymdastyǵynyń suraýymen daıyndalǵan Aviakassa onlaın-agenttiginiń esebi boıynsha, Máskeý-Antalııa baǵytynyń tasymaldaý paketi turaqty reıske engen sátten búginge deıin bılettiń ortasha quny 75,6% qymbattaǵan.
Pegasus Airlines kompanııasynda bılet quny 30,7% qymbattaǵan. Olar maýsym aıynyń sońynda Antalııaǵa bıletti bir baǵytqa 7,5 myń rýblge satqan. 1 tamyz kúni ushatyn bıletti 9,8 myń rýblge alýǵa bolady. «Ázirbaıjan Eırlaınz» bıletteri 264% qymbattaǵan. 1 tamyzǵa bıletti 13,5 myń rýblge satýda, dep habarlaıdy ATOR.
Aıta keteıik, Reseı prezıdenti Vladımır Pýtın reseılikter úshin Túrkııaǵa týrıstik paket satýǵa salynǵan tyıymdy alyp tastady.
foto: mamiatour.com.ua
