Máskeý-Almaty reısimen ketip bara jatqan ushaqta qazaqstandyq ózin nashar sezine bastady
ASTANA. QazAqparat - Máskeý-Almaty reısiniń ushaǵy qazaqstandyqtyń densaýlyǵynyń nasharlaýyna baılanysty amalsyzdan Samaraǵa qondy, dep habarlaıdy samru.ru.
Búgin tańerteń Kýrýmoch áýejaıyna Máskeý-Almaty ushaǵy josparsyz qondy. Bortta 147 jolaýshy bolǵan, dep jazdy portal.
Kýıbyshevsk kólik prokýrorynyń kómekshisi Maksım Voroshılovtyń aıtýynsha, Qazaqstan azamatshasy - 17 jastaǵy sportshynyń salonda ózin jaman sezinýine baılanysty laınerdiń jerge qonýyna týra kelgen. Oqıǵa ornyna jedel-járdem brıgadasy shaqyrtyldy. Qyzdy Samaradaǵy aýrýhanalardyń birine jatqyzdy.
Onyń jattyqtyrýshysynyń aıtýynsha, dzıýdo jarysynda qyzdyń moıny men basy jaraqattanǵan. Osy sebepti ol ózin nashar sezinýi múmkin. Sportshyny túsirgennen keıin ushaq ary qaraı ushyp ketken.
