Máskeý 47 jylda alǵash ret aýyr atletıkadan álem chempıonatyn ótkizedi
ASTANA. KAZINFORM — 2030 jyly aýyr atletıkadan álem chempıonaty Máskeýde ótedi. Bul týraly Halyqaralyq aýyr atletıka federatsııasynyń (IWF) baspasóz qyzmeti málimdedi.
IWF bas hatshysy Hose Kınonestiń aıtýynsha, jarysty ótkizýge nıetti elderden birqatar laıyqty ótinim túsken. Ol álem chempıonatyn uıymdastyrýǵa kóptegen memleket qyzyǵýshylyq tanytyp otyrǵanyn jáne aýyr atletıkanyń jahandyq deńgeıde damyp kele jatqanyn atap ótti.
Reseı 2022 jyldan beri alǵash ret olımpıadalyq sport túrinen iri halyqaralyq jarys ótkizý quqyǵyna ıe boldy. Máskeýde aýyr atletıkadan álem chempıonaty buǵan deıin úsh ret — 1975, 1980 jáne 1983 jyldary ótken.
IWF málimetinshe, 2028 jyly jasóspirimder arasyndaǵy álem chempıonaty Kosovonyń Prıshtına qalasynda, al jastar arasyndaǵy álem chempıonaty Venesýelanyń Karakas qalasynda ótedi. Sondaı-aq 2029 jylǵy eresekter arasyndaǵy álem chempıonaty Úndistannyń Ahmedabad qalasynda bolady.
Buǵan deıin Halyqaralyq aýyr atletıka federatsııasy (IWF) Qytaıdyń Nınbo qalasynda ótetin álem chempıonatyna qatysatyn sportshylardyń aldyn ala tizimin jarııalaǵanyn habarlaǵan edik.
