Maskasyz jolaýshyny avtobýsqa kirgizgen júrgizýshi syıaqydan qaǵyldy
ALMATY. QazAqparat - Almatyda maskasyz jolaýshyny avtobýsqa kirgizgen júrgizýshi syıaqydan qaǵyldy, dep habarlaıdy QazAqparat tilshisi.
Bul oqıǵaǵa qatysty vıdeo áleýmettik jelide taralǵan bolatyn.
Jýrnalıst Dınara Tursynova janynda otyrǵan jolaýshydan maska kııýin ótingen. Alaıda er adam maska taǵýdan bas tartqan.
Qalalyq Mobıldilik basqarmasy osy derekke qatysty tekserý júrgizgen. №81 avtobýs júrgizýshisi salondaǵy daýdy estigen, alaıda esh shara qoldanbaǵan anyqtaldy.
«Jolaýshylar tasymalynyń karantın kezindegi erejelerine sáıkes maska taqpaǵan jolaýshyny avtobýs salonyna kirgizbeýi tıis. Sondyqtan, esh shara qoldanbaǵan avtobýs júrgizýshisine qatań sógis jarııalanyp, shilde aıyndaǵy syıaqysy berilmeıtin boldy»,- dedi basqarmadan.
Qalalyq polıtsııa departamenti bul derekti de teksergen. Krımınaldy polıtsııa basqarmasynyń mamandary 28 jastaǵy jigitti ustady.
«Іs materıaldary qalalyq Taýarlar men qyzmetterdiń sapasy men qaýipsizdigin baqylaý departamentine QR ÁqbK 425-babymen tapsyrylady»,- dedi PD
Quqyq buzýshy óz áreketi úshin keshirim surap, kópshilikke maska taǵýǵa keńes berdi.
