Maskany sheshýge ruqsat, qyzmet kórsetýshi robottar: Pandemııa jaǵdaıyndaǵy Olımpıada-2022
Osy oraıda Olımpıada oıyndary bastalý aldynda pandemııaǵa qatysty máseleler jóninde aıta ketýdi jón kórdik.
Beıjiń Olımpıadasyna barǵan 36 adamnan koronavırýs anyqtaldy
Beıjiń Olımpıadasyn uıymdastyrý kómıteti oıyn bastalmaı jatyp, 36 adamnan koronavırýs anyqtalǵanyn málim etti. PTR-test tapsyrǵandardyń 36-synyń nátıjesi oń nátıje kórsetken. Olardyń arasynda sportshylar da bar.
Qazir kovıt belgileri bar barlyq azmattar men azamatshalar karantınge alynǵan.
Olımpıadany uıymdastyrý kómıteti oıynǵa qatysýshylar men qonaqtar arasynda vırýs juqtyrǵandardyń sany aldaǵy ýaqytta áli de artýy múmkin ekenin aıtyp tyr.
Olımpıadaǵa qatysýshylarǵa qandaı talaptar qoıylǵan
Olımpıada oıyndaryna barlyq qatysýshylary men arnaıy qonaqtaryna olımpıadalyq aýmaqtan sebepsiz shyǵýǵa tyıym salynǵan.
Alaıda, Halyqaralyq olımpıada komıteti jańa ereje shyǵaryp, atletterge tártip jeńildetilgenin jarııalady.
Onda koronavırýs juqtyrǵan naýqaspen baılanysta bolǵan azmattar karantınde 14 kún emes, 7 kún bolatyny belgili boldy. Alaıda, olar kúnine eki ret PTR-test tapsyrýǵa mindetti.
Olımpıadashylar masqany qandaı jaǵdaıda sheshe alady
Beıjiń Olımpıadasyn uıymdastyrý komıteti sportshylarǵa qandaı jaǵdaıda maskany sheshýge ruhsat beriletinin aıtty.
Olımpıada oıyndaryna barǵan barlyq atletter karantın talaptaryna sáıkes maska taǵyp júrýge tıis. Alaıda, oıyn barysynda baǵy janyp, júldegerler qatarynan kóringen sportshylarǵa marapattaý kezinde maskasyn sheshýge ruqsat etildi.
Robottar qyzmet kórsetedi
Beıjińde Olımpıadaǵa qatysýshylar men oıynshylarǵa robottar qyzmet kórsete bastady.
Olar qonaq úıge jaıǵasqan adamdarǵa kerek-jaraqtaryn, ıaǵnı as-sýlaryn jetkizip berýge qabiletti. Uıymdastyrýshylardyń aıtýynsha, qultemirlerdiń qyzmetin paıdalanýdaǵy basty maqsat – koronavırýstyń taralýyna tosqaýyl qoıý.
Aıta keteıik, XXIV qysqy Olımpıada oıyndaryna Qazaqstan quramasynan barlyǵy 34 sportshy qatysady, olar 87 joldama jeńip aldy.
Búginde olar olımpıadalyq qalashyqtarǵa ornalasty. Qazaqstandyqtar shańǵy jarysy, frıstaıl akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa túsedi.
Oıyndardy «Qazaqstan», «Qazsport», «Habar» jáne «El arna» telearnalarynan tikeleı efırden kórýge bolady.
Tórtjyldyq dodanyń ashylý saltanaty Nur-Sultan ýaqytymen 4 aqpan kúni, saǵat 17:55-te bastalady.
