Maska taqpaǵan Óskemen ákimine aıyppul salyndy
ÓSKEMEN. QazAqparat – Óskemen qalasynyń ákimi Jaqsylyq Omarǵa B.Aleksandrov atyndaǵy Sport saraıynda ótken sharada maska taqpaǵany úshin aıyppul salyndy, dep habarlaıdy QazAqparat tilshisi.
Esterińizge sala ketsek, osyǵan deıin ShQO Sanıtarııalyq-epıdemııalogııalyq baqylaý departamentiniń Óskemen ákimine qatysty tekserý júrgizip jatqandyǵyn habarlaǵan bolatynbyz.
«B.Aleksandrov atyndaǵy Sport saraıynda ótken sharaǵa qatysqan shahar basshysy Jaqsylyq Omardyń maska taqpaı túsken fotosýretine qatysty BAQ-ta taraǵan aqparattar jáne jeke tulǵalardyń ótinishteri muqııat qaraldy. Sonyń nátıjesi boıynsha atalǵan tulǵaǵa qatysty qysqartylǵan óndiristik tártippen QR ÁQBtK-niń 425-babynyń 1-bóligine sáıkes ákimshilik aıyppul salyndy. Qazirgi ýaqytta J.Omar aıyppuldy óz erkimen tóledi», - dep habarlady departamenttiń baspasóz qyzmeti.
Osy rette, vedomstvo ókilderi ShQO Bas memlekettik sanıtarııalyq dárigeriniń qaýlysynda jazylǵan maska taǵý talaby barlyq jeke jáne zańdy tulǵalar úshin mindetti ekendigin eske saldy.
Aıta keteıik, karantın talabyn buzǵan qala ákimi 15 AEK, ıaǵnı 43 755 teńge mólsherinde aıyppul tólegen.
