Maska taqpaǵan Ońtústik Koreıa turǵyndary qansha aıyppul tóleıdi

SEÝL. RENHAP-QazAqparat – Seısenbiden bastap Ońtústik Koreıada koronavırýs ınfektsııasynyń taralýyna jol bermeý maqsatynda qoǵamdyq kólikter men oryndarda mindetti turde maska taǵý rejımi engiziledi, dep habarlaıdy QazAqparat Yonhap agenttigine silteme jasap.

Endi elde qoǵamdyq kólik pen sharalarda, sondaı-aq medıtsınalyq mekemelerde maska taqpaıtyn azamattarǵa 100 000 von (87 AQSh dollary) kóleminde aıyppul salynady.

Al qoǵamdyq kólik úshin jaýapty uıymdar, sondaı-aq demonstratsııa uıymdastyrýshylary qoǵamdyq kólik paıdalanýshylary nemese jıyn qatysýshylarynyń atalǵan talaptardy saqtaýyn qadaǵalamaǵany úshin 3 mıllıon von somasynda aıyppul tóleıdi.

Bul talap tek 14 jasqa deıingi balalarǵa jáne maskany densaýlyq jaǵdaıyna baılanysty taǵa almaıtyn adamdarǵa qatysty emes. Adamdarǵa maskany tek erekshe jaǵdaıda, mysaly, jýyný, tamaq ishý nemese shomylý kezinde ǵana sheshýge ruqsat etiledi.

Sońǵy táýlikte Ońtústik Koreıada koronavırýs juqtyrýdyń jańa oqıǵalar sany 58-ge jetken. Elde indetke 24 606 adam shaldyqqan, qaýipti vırýstan qaıtys bolǵandar sany - 432 adam.