Maska taqpaǵan aqtóbelikterge 11 mıllıon teńge aıyppul salyndy
Aqtóbede mobıldi toptar, jergilikti polıtsııa qyzmetkerleri karantınniń saqtalýyna baqylaý júrgizip jatyr.
«Ákimshilik quqyq buzý týraly kodekstiń 425-babynyń 1-tarmaǵyna sáıkes 81 mıllıon teńge kóleminde 647 aıyppul salynǵan.
«Ártúrli merekelik sharalardy, toı, otbasylyq sharalardy ótkizýge tyıym salynǵanyna qaramastan talapqa baǵynbaıtyndar bar. Betperde taǵý tártibin buzǵany úshin 11 mıllıon teńgege jýyq 156 aıyppul salyndy. Máselen, avtobýs ishinde jolaýshymen qatar júrgizýshi, kondýktor da beıqam bolǵan. Olar aıyppul tóledi», - dedi oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Gúlbaný Daýletova.
Al otbasylyq sharalardy ótkizgen 24 kásipkerlik nysanyna 7 mln teńge kóleminde aıyppul salyndy.
Aıta keteıik, óńirde bir adamnyń koronavırýs ınfektsııasyn juqtyrǵany týraly derek tirkeldi. Vırýs Jaısań shekara beketin kesip ótken Túrkistan oblysynyń 20 jastaǵy turǵynynan anyqtaldy.
Oblysta 3254 jaǵdaı tirkelsa, onyń 98 paıyzdan astamy jazyldy. Qazirgi kezde úı karantınine 43 adam alyndy.