«Maska taqqan adam» SQO-da otbasynan aıyrylǵan jasóspirimge baspana syılady

PETROPAVL. KAZINFORM — Soltústik Qazaqstan oblysynyń 16 jasar turǵyny Stanıslav Denısenko baspanaly boldy.

«Maska taqqan adam» on shaqty kún buryn ákesinen jáne tórt baýyrynan aıyrylǵan jasóspirimmen kezdesti.

Stanıslav Petropavldaǵy kolledjderdiń birinde oqyp, jataqhanada turady. 

— Úıimiz órtengende men Petropavlda, jataqhanada boldym. Órttiń neden shyqqany ázirge belgisiz, biraq elektr symdarynyń qysqa tuıyqtalýy sebep bolýy múmkin. Ári úıde kómirqyshqyl gazy bolǵan. Ákem 40 jasta, ápkem — 18-de, qaryndasym 13-te, inim 10-da jáne eń kishkentaıymyz 7-de ǵana boldy. Jeti jyl buryn anam qaıtys boldy. Meniń kózim nashar kóredi, -4. Baýyrlarymdy qalaǵa áketip, oqytý armanym bolatyn. Bul armanymnan aıyryldym, ári qaraı ne isteıtinimdi bilmeımin, — dedi jasóspirim «maska taqqan adammen» áńgime barysynda.

Posmotret etý pýblıkatsııý v Instagram

Pýblıkatsııa ot Chelovek v maske (@chelovekvmaskee)

Bir kúnde búkil otbasynan aıyrylǵan bala qazir jalǵyzdyqtyń kúıin keship júrgenin aıtty. 

— Seniń basyńnan ótkergen qıyndyqty eshkimniń basyna bermesin, sen jalǵyz emessiń, munyń bárinen biz birge ótemiz. Budan bylaı saǵan oqýymdy qalaı tóleımin dep ýaıymdaýdyń keregi joq, sondaı-aq kózińdi emdeýge de kómektesemiz. Endi ózińniń baspanań da bolady, — dedi «maska taqqan adam».

Esterińizge salaıyq, SQO Shal aqyn aýdany Stýpınka eldi mekeninde úı órtenip, bes adam mert bolǵan edi.

SQO ákimdigi ókilderi órtte qaza tapqan otbasyny jerleý rásimin ótkizýge kómek kórsetiletinin aıtty.