«Maska taǵyńyzdar»: Aktsııany blogerler men qoǵam qaıratkerleri qoldady

ALMATY. QazAqparat - Almatyda operatıvti shtab qyzmetkerleri men eriktilerdiń bastamasyn belgili blogerler, qoǵam qaıratkerleri qoldady, dep habarlaıdy QazAqparat tilshisi.

Bul bastamany eriktiler kótergen. Olar jolda ótip bara jatqan kólikterge «Maska taǵyńyz» degen japsyrmany taratyp jatyr.

Bul bastamany blogerler Beıbit Álibekov pen Qaırat Qudaıbergen qoldady.

«Aktsııa maqsaty – qala turǵyndary men jastaryn maska taǵýǵa úndeý. Bul ár adamnyń jaýapkershiligi bolýy kerek. Bul aktsııany tek Almatyda ǵana emes, búkil respýblıka boıynsha chellendj etip taratsaq degen maqsatymyz bar», - deıdi shtab úılestirýshisi Alma Aýǵanbaeva.

Onyń aıtýynsha, 19 naýryzda tótenshe jaǵdaı jarııalanǵaly beri Qazaqstandaǵy barlyq eriktiler, uıymdar birikken.

«Meniń oıymsha, búgingi aktsııa óte mańyzdy. Men ózim koronavırýspen aýyryp turǵan soń munyń barlyǵyn túsinemin. Meniń jubaıym, atam, ájem - barlyǵy aýyryp jatyr. Gıgıenalyq normalardy saqtamaıtyn adamdar osyndaı áljýaz toptardyń juqtyrýyna yqpal etedi», - dedi Qaırat Qudaıbergenov.