Maska taǵý talabyn oryndaý kerek – DDSU sarapshysy
NUR-SULTAN. QazAqparat - DDSU-nyń Qazaqstandaǵy ókildiginiń basshysy Kerolaın Klarınval kornavırýs ınfektsııasyna tosqaýyl qoıýdyń sharalaryna qatysty pikir bildirdi, dep habarlaıdy QazAqparat tilshisi.
«Biz bul taqyrypty únemi talqylaımyz. Barshasyna jaraıtyn, ıaǵnı barlyq elder úshin ámbebap sheshimniń bolýyn qalaımyz. Alaıda, eń bastysy – barlyq sheshimder elderdegi jaǵdaıǵa saı kelýi tıis. Osy oraıda jergilikti deńgeıde tıisti qadamdar engiziletinine kóz jetkizýimiz kerek. Nelikten ol mańyzdy?
Ár el men ár densaýlyq saqtaý júıesinde aıyrmashylyq bar. Sondyqtan tıisti qadamdar naqty bir elge sáıkes kelýi qajet. Bul ońaı sharýa emes. Osy maqsattardy oryndaýǵa tyrysyp kele jatqan Qazaqstan Úkimeti men Densaýlyq saqtaý júıesine rızashylyǵymdy bildirgim keledi», - dedi ol Ortalyq kommýnıkatsııalar qyzmetindegi baspasóz máslıhatynda.
«Ár adam indettiń taralmaýyna óz úlesin qosýy qajet. Eń bastysy – gıgıena talaptaryn saqtap, qoldy sabynmen jýǵan durys. Sonymen qatar, respıratorlyq etıketti saqtaǵan jón. Biz ara qashyqtyqty saqtaýǵa keńes berdik, kem degende eki metr. Bul sharalar indetti juqtyrý sebepterin tómendetedi. Maska taǵý tártibin oryndaýy tıis. Jalpy, biz osy sharalardy ár azamattyń oryndaýy kerektigin atap ótýdemiz», - dedi Kerolaın Klarınval.
