Maska men pogondaryn julǵan: Petropavlda mas áıel kýrsanttarǵa tap berdi
PETROPAVL. QazAqparat – Petropavlda kezekshilik atqaryp júrgen áskerı ınstıtýttyń kýrsanttaryna karantın rejımin buzǵan áıel kúsh kórsetti, dep habarlaıdy QazAqparat tilshisi.
QR Ulttyq ulan baspasóz qyzmetiniń málimetinshe, oqıǵa 7 sáýir kúni bolǵan. Petropavldaǵy Kenshinbaev kóshesinde kezekshilik atqaryp júrgen áskerı ınstıtýttyń kýrsanttary qujattaryn tekserý úshin eki adamdy toqtatady. Qala turǵyndarynyń ekeýi de mas bolǵan jáne áskerı narıadtyń bastyǵy, qatardaǵy kýrsant Nurǵazy Qambarbekovtyń zańdy talabyn oryndamaǵan.
Ózderimen jeke kýálikteri bolmaǵandyqtan, áıel men er adamǵa tirek pýnktine barý kerektigi aıtylǵan. Alaıda, áıel barýdan bas tartyp, kýrsanttarǵa bylapyt sózder aıtqan. Munymen qoımaı, áskerı narıad bastyǵynyń betindegi medıtsınalyq maskasyn jáne ıyǵyndaǵy pogonyn julyp, moınyn tyrnap alǵan.
Áskerı narıad ekeýin de ustap, Petropavl qalalyq ishki ister basqarmasynyń bólimine jetkizdi. 1986 jyly týǵan qala turǵyny – áıelge qatysty bılik ókiline qarsy kúsh qoldanǵany úshin qylmystyq is qozǵaldy.
Eske salaıyq, Petropavl qalasy 3 sáýirden bastap karantınge jabyldy. Shekteý talaptarynyń oryndalýyn jáne kóshe tártibin qadaǵalaý maqsatynda QR UU Áskerı ıntıtýtynyń 200 kýrsanty kúndelikti kezekshilikke túsedi.
